會計學中大畢業生最叻 - 李八方

  會計學中大畢業生最叻 - 李八方

《信報月刊》做咗本港首個大學會計學優勢比拼,問咗五大會計師行、華資會計師行同一啲上市公司,結果顯示中大會計學畢業生嘅表現評分最高,港大再一次要做阿二,第三則係科大,其他依次為理大、城大及嶺大,浸大包尾。結果刊於一月號《信報月刊》。
師資方面,科大同嶺大會計學系嘅教員同時全數都有博士學歷,喺呢項同排首位,港大則只有六成而排第尾;教員發表論文數目,則以科大最多產。不過新生質素方面,中大收生最好,科大、港大及理大則較次。
《信報月刊》十月時公布八間大專院校排名後,俾幾個唔認同結果嘅大學高層批評,今次佢哋學精咗,冇講明邊間邊間第一、邊間包尾,總編輯文灼非話,因為各校會計學課程差異好大,所以唔落結論,不過佢話大家照計都大概估到邊間最好。



傳真︰2623-9278
電郵︰[email protected]