年屆60歲的生意人鄭先生說，自己對紫砂茶壺並無研究，純粹覺得漂亮，買來作擺設而已。「喜歡到唐藝，因為佢哋老實，唔會用假貨呃人。」他坦言跟大部份人一樣，以前買了不少假貨，自己一直蒙在鼓裏。
鄭先生找上唐藝的過程，恍如偵探小說。「話說有次喺一間百貨公司睇緊茶壺，職員正游說佢購買大師蔣蓉嘅作品，標價3萬幾蚊，若果佢要，可以5折畀佢。正當心動個陣，隔籬個顧客好細聲講：『唔好買！』重同佢打眼色。咁自己梗係醒水，知道唔妥，無買到。」他說：「其後跟住嗰個人走去廁所，對方同佢講，若果有興趣，下次可以帶佢去另一間舖睇。於是就咁嚟咗呢度，而嗰個人，就係呢度嘅熟客。」
鄭先生認為，自己最初對紫砂茶壺毫無研究，最重要是「自己鍾意」，但係偽冒名家欺騙顧客，並以高價出售，這種行為十分可恥。
上環任職船務經理的馬先生則指出，本身工作及居所均在唐藝附近，又喜歡泡茶，每天放工後，均到唐藝與茶客聚首暢談，交流心得。
老闆唐瑋在業內浸淫多年，與宜興紫砂工藝廠（簡稱一廠）及工藝師稔熟，能輕易找出各類茶壺的族譜，指導顧客。部份工藝大師來港會來唐藝茶會，有緣更可向大師討教。