剛於上周日舉行預展嘅萬事得全新Mazda3車系，想唔到外界反應咁好。呢幾日都有唔少Fans抽空去睇兩款四門同五門型號，相信身為揸Fit人嘅DouglasChau，以及總舵手嘅GaryCheung，都可以飲得杯落啦！
然而，車迷最關心會係新車售價，及後久經亞Mark打探下，得知Mazda3四門標準版會賣11萬9千3，而頂級豪華版售價則為14萬9千9。雖然睇落價錢稍高，惟亞Mark仔細Check過標準裝備，既有上乘高級皮椅、原廠電天窗、霧燈同四輪15吋合金胎軨之餘，還有4前速半自動波、自動調節音量嘅6碟CD音響、自動感應開關頭燈，以及雨滴感應水撥㗎！有咁齊備又High-tech配套外，新車為要營造高性能本色，唔止有全新歐式底盤結構，更率先響同級車中，引入主動式DSC穩定系統、TractionControl循迹裝置，加埋四輪高效能碟煞、ABS連EBD組合，又真係好有吸引性同號召力喎！若然想響農曆年前成為新車主的話，就真係要早啲決定落定喇！
