一青年應徵運輸公司跟車送貨員職位，見工時未簽署任何文件或合約，上工後發現不斷有人登門追討欠薪，故工作兩天後辭職，但資方否認雙方存在僱傭關係，拒絕發薪，工友追討無門，直斥勞工法例對工人毫無保障。勞工處今年已接獲十五宗有關該公司拖欠薪金的投訴個案。
「明明開咗兩日工，但又唔肯出糧；告上法庭，但又冇任何白紙黑字，證明雙方有僱傭關係，冇證冇據冇得追，咁究竟有邊度可以保障打工仔？」一臉無奈的陳先生投訴稱，本年七月他閱報得悉一運輸公司聘請跟車送貨員，隨即致電約見。
其後，陳先生前往位於大角嘴必發道茂盛中心的「以利運輸」見工，即場填寫一份入職資料，一名自稱為負責人的朱小姐接見他，聲稱日薪230元，超時津貼每小時20元，雙方經口頭協議後，他翌日上班，但雙方未簽署任何文件或合約。
陳先生表示，雙方協議每天的工作時間為早上八時至晚上六時，六時後則作超時補水計算。他首天開工便與其他員工被公司安排往葵涌的貨倉負責搬運貨物。「我返工兩日，但兩日都見到好多人上門追糧。好奇怪，夜晚六點後嘅工作唔多，根本五、六個人都肯定夠晒，但唔知點解每晚都要留十幾廿人喺度開OT（加班）。」
感疑惑的他擔心該公司有問題，工作兩天後辭職，但公司不肯發薪，「朱小姐話要做足七日先會出糧，重鬧我自己一早無問係自己嘅問題！」陳先生指此乃違反勞工法例，惟對方仍不理會。
「雖然只係五百幾蚊，但點都要追番啲血汗錢。勞工處安排我喺九月開會，但對方唔到；惟有排期勞資審裁署上庭，法官話我冇白紙黑字，點證明我做過呢間公司，所以冇證據追。」
陳先生大感無助，惟有親自往該公司追討，雙方談不攏並報警求助。「警察到場後同我講，話呢間公司之前已經有多人上過去追糧。有啲甚至白做咗兩個月，我只做咗兩日都算係不幸中嘅大幸！」
記者曾於本月24日至29日多次往位於大角嘴的「以利運輸」，欲就有關個案作查詢，惟該公司均空無一人，電話亦無人接聽。
勞工處發言人表示，今年以來，勞工處共接獲十五宗有關「以利運輸」拖欠薪金的投訴個案。發言人指出，僱主應為僱員簽訂書面僱傭合約，清楚列明僱員受聘條件和福利，以減少不同理解或不清晰而引致的爭拗。事實上，即使僱傭合約並非以書面形式訂立，在僱員就職前，僱員亦可根據條例，要求僱主以書面形式提供僱傭條件細則。 （一二一八○一○）
職工會聯盟秘書長李卓人稱，該會接獲的欠薪個案向來多，近年尤以運輸業、建築業、飲食業為甚。他指出，「就算無簽任何嘢，都會講得出喺邊度開工、做過啲乜、開過邊部車、車牌號碼，呢啲開工資料都係有力追回欠薪嘅證據！」
他勸喻僱員若遇勞資糾紛及相關查詢，可向該會求助。
服務熱線
電話:29908288
傳真:23702192
電郵: