【本報訊】梅艷芳情深義重，故與大部份舊愛都能「再見亦是朋友」，其中鄒世龍和林國斌前晚亦有趕往醫院見她最後一面。
鄒世龍表示當年是張國榮介紹他與梅艷芳相識，現在兩人先後逝世，心情十分難過。鄒指在醫院見梅艷芳時，她仍然清醒，其遺容亦十分安詳，他說：「我諗阿梅係放得低嘅，對佢嚟講可能係好事，你睇佢做咗一個咁靚、咁好、咁完美嘅演唱會先至離去，已經係一個完美嘅終結。」
鄒世龍回憶與梅艷芳拍拖時他仍在念書，他說：「阿梅教識我好多嘢，例如對人要有情有義，不過喺女人嚟講，佢有太多大志同理想，未完成時佢都唔肯停，呢個想法同做法就好男仔頭。」
而林國斌指與梅艷芳相戀的三年，是很開心的日子，他說：「阿梅做人有情有義，𠵱家佢去咗，都希望佢可以修成正果，可以安息。」