消息好突然，好唔開心，我入行做新人時，梅姐同我講過叫我努力，𠵱家我會唱好啲歌，以答謝梅姐之前對我嘅鼓勵，我好鍾意《女人心》呢首歌，能夠講出女人堅強感覺。
我喺○二年做過梅姐演唱會嘉賓，合作過一次，梅姐重送咗件衫畀我，到𠵱家我都好好收藏，梅姐係值得我哋後輩學習嘅對象。
好唔開心，希望呢啲唔好嘅嘢可以快啲過去，我唔敢打畀阿詩（何韻詩），不過我有sendmessage畀佢，佢都有覆，佢話冇事。
我之前同梅姐一齊做過雜誌訪問，佢教咗我好多嘢，我覺得佢個人好堅強，又好堅持，希望其他歌手都可以延續呢個精神，我會永遠懷念佢。
我已經有一排冇同梅姐聯絡，知道佢嘅死訊之後，個心翳住，冇晒心機，所以我個MV首播都取消，做人真係乜都唔重要，最重要係珍惜自己，健康係最緊要。
