Ｑ：過時過節食得太飽，有乜消滯嘅方法？
Ａ：中醫上有謂飲食有節，其實最好避免食得過飽，每餐食七、八成飽就比較理想，但一旦食得過飽，其實可根據以下三種情況來決定一些消滯的療方。基本上，以下療方適合任何體質人士食用。
1.焗山楂茶：將3至4錢的山楂加一杯滾水焗15分鐘後，每日可飲用2至3次。
2.淨飲米醋：可直接喝下1茶匙米醋，若嫌太酸難入口，可加少許熱開水稀釋後飲用。
3.呷杯花茶：若覺得很惡心覺得不舒服時，不妨飲杯濃茶或花茶，如玫瑰花茶。
4.煲蘿蔔湯：將一棵白蘿蔔連皮及苗，加3碗水煲半小時至40分鐘後食用。此方特別適合放屁多或肚屙時飲用。
1.中成藥：服用保和丸
2.煎藥：以山楂及神曲各3錢，以兩碗水用中火煮15分鐘後飲用。
3.焗薑醋水：將一小塊薑連半杯水煲5分鐘，再落1茶匙米醋飲用，不但能幫助消化，並有助解蝦蟹毒。
可以炒麥芽及炒谷芽各4至5錢，跟3錢神曲以兩碗水用中火煮15至20分鐘後服用。
Ｑ：除咗食療外，重要注意啲咩？
Ａ：當出現飽滯的情況時，最緊要減少食量，吃一些易消化的食物，也要避免吃冰凍的生果，以免傷腸胃。根據上述療方食用一至兩天後，若想保養脾胃，可服用中成藥四君子湯或參苓白朮散，若果經常會因為飽滯引致腸胃不適的人尤其合用。
資料提供：香港大學中醫藥學院助理教授 陳建萍
如有任何健康問題查詢，可傳真至：27420542或郵寄予本報，地址：香港將軍澳工業邨西駿盈街8號《蘋果日報》副刊「保健Q&A」收