「好難過，前晚都有同阿梅通過電話，阿梅當然講唔到嘢，都係透過朋友去講。阿梅嘅勇敢同堅強，一直會留喺大家心中，愛錫阿梅嘅歌迷都要勇敢面對。我最後見阿梅係佢生日。」
「阿梅對香港好重要，佢好似香港個女咁，阿梅嘅死，香港損失咗一顆閃亮巨星，我好難過亦唔想講嘢，因為我驚一講就會喊出嚟。」
「阿梅冇離開過我哋，只係改變咗生活方式，佢依然活喺每個人心中。阿梅重視朋友，唔想見到朋友為佢傷心，所以大家畀佢開心離開。」
「我覺得阿梅輸畀時間，但阿梅用有限時間換咗好多友誼，所以最後都屬於勝利。」
「阿梅曾經同我講過嘅嘢我會記住，但係詳細係乜唔講，大家都唔開心，人都已經走，𠵱家我好關心阿倫（譚詠麟）情緒，因為我哋聽晚就會喺馬來西亞做《左麟右李》演唱會。」
「我好唔開心，因為冇去到醫院，但都喺內心支持佢。最遺憾係之前梅姐喺《1:99》演唱會送咗禮物同卡畀我，可惜我唔見咗張卡。我好尊重梅姐，佢係一個好堅強嘅人，係真正巨星。」
「我一直敬仰阿梅，我早已知道她有病，但料不到這樣突然，我真的很難過，祝她可以平安上路。」
「去年我演唱會見過阿梅，她來後台探班，我們還聊天，她很關心我，對我每樣事都很緊張。我日前在美國演唱會時，我都有唱她的歌《親密愛人》，為她打氣，但現在阿梅已走，除夕的倒數騷，我也會唱這首歌。」
「我知道阿梅離世，她跟小黑（柯受良）都是我的好朋友，我祝二人一路上路都好。」
「原本想前晚漏夜趕嚟香港，但最後都趕唔切，惟有今天搭早機嚟見阿梅最後一面，我到咗醫院已有喇嘛喺度誦經，有人話念經唔可以喊，我見完阿梅就即刻飛返台灣。」
