西鐵通車已經一個禮拜，九鐵行政總裁楊啟彥亦會喺聽日功成身退，佢噚日最後一次見記者，重大派禮物，女記者每人一支玫瑰，男記者就每人一包朱古力，但對於喺九鐵七年嚟嘅功過是非，同埋唔認佢做「好朋友」嘅田北辰主席，楊官都欲言又止，反而對於之前幾十年嘅政務官生涯，佢就滔滔不絕，重特別點名多謝「恩師」前任財政司夏鼎基，由此可見，喺楊官心目中，九鐵呢幾年始終唔及做官過癮！
楊官又話，退休後會多啲上深圳打高爾夫球，但最唔慣係一時間冇咗個秘書同埋司機，要自己打字同揸車，但其實佢都只係半退休，因為董建華已經延長咗佢職業訓練局主席嘅任期兩年，重有排玩。
（圖）楊啟彥噚日大派禮物，女記者獲每人一支玫瑰。
傳真︰2623-9278
電郵︰