八方噚朝一早聽電台節目，聽到鄭大班話明年出戰新界東，重話自己排第一，白鴿黨鄭家富排第二或者第三都掂。
咁大消息，八方梗係第一時間向當事人求證，大班話講吓笑咋，唔好當真，無端端點會去選立法會，叫八方千祈唔好亂寫。
不過，連噚日同佢拍檔做節目嘅阿富都覺得大班今次唔似講笑，重叫大班組一個101班點狗黨去參選，肯定會打低啲狗對手，至於佢自己就唔會排大班條隊，因為阿富打住民主黨旗號，點同大班一齊排。
雖然條街勁傳重有城中名嘴會出嚟玩，勢要趕走保皇黨，大班都話如果佢出馬，一定可以取兩席，但係到目前為止，都未有人肯企出嚟公開宣布參選，唔知係咪怕胡官開始計佢哋條數。
傳真︰2623-9278
電郵︰