新一年就快來臨喇！唔知大家準備好一本新嘅記事簿未？家陣記事簿五花八門，真皮、卡通樣樣有，但價錢都唔平。較知名的公仔記事簿都要成嚿水！計我話每年呢個時候，有唔少記事簿贈品，只需自行稍加包裝，就擁有實用而獨特的Organizer。還可在包裝時加上書籤及插筆等不同功能。
記者：陳美娜
攝影：蔡鴻雯、林栢鈞
我向來喜愛大自然，亦喜愛落葉飄舞的樣子，所以我就以此作構思，利用不同顏色的絨布，來做成一片片的葉子，並用繡花線縫上葉脈，將它們貼在簿面。同時取出其中一塊「葉子」，加上絲帶，貼在簿裏成為樹葉形書籤。當使用記事簿時，就唔使怕唔記得用到邊一頁啦！
材料
各色絨布 $5-$10?塊
紅白間條布一幅 $10
銀色幼絲帶一條 $5
顏色繡花線 $5?卷
得意的毛毛皮記事簿，動輒都要一、二百才有交易。每年都心郁郁想買，但又覺得唔係咁值！於是乎我決定自己做，因為買塊毛毛布來包記事簿，半碼就夠晒，只需二十零蚊，勁慳成嚿水！再自製插卡及插筆位，Fit晒個人需要！
材料
毛毛布半碼 $27.5
透明膠片一張 $10
衫鈕一粒及針線
最簡單的包裝法，莫過於是用花紙。選擇夠多之餘，最大好處是可隨時更換不同包裝。因為紙跟布不同，毋須如布般用雙面膠紙黐死。同時，可自摺一個簡單的紙Folder，實用又有統一效果。
材料
花紙一張 $20
白色硬身紙一張 $8
綠色大間條絲帶一條 $8
花花圖案製飾一塊 $10
呢三款記事簿的基本做法都好似包書咁，並不太難。但除紙包裝外，其餘兩款以布作材料的，做之前最好用熨斗熨一熨，令到塊布較平伏，做嘅時候就更貼服。而加書籤、插筆、安紙Folder等功能，可按個人需要互換。