海外試車：本報記者日本實地測試<br>富士Legacy配自然吸氣偈更好玩

海外試車：本報記者日本實地測試
富士Legacy配自然吸氣偈更好玩

今趟東瀛之行，適逢日本富士車廠旗下全新Legacy車系，剛奪得2003至2004年度CaroftheYearJapan大獎，可見新車給當地車迷有一定認同感之外，廠方更首度安排裝有自然吸氣2.#0公升偈嘅新Legacy，給包括香港傳媒在內嘅試車團，響富士位於當地嘅ProvingGround作實地測試；而遲吓正式抵港嘅2.5公升自然吸氣版Legacy四門轎車，配合上原廠AWD裝置，相信會讓車迷一新耳目！

記者、攝影：李勤

歷來富士Legacy車系，都被塑造成高性能房跑車款，惟車系本身除卻有高性能一面外，一套恒式四驅AWD系統，既富安全感又見操控了得，若然匹配上一副出眾自然吸氣偈的話，更大可與一眾同級對手抗衡呢！

有關開發最新款Legacy嘅工作人員，難得來個大合照。

大型簡潔嘅電鍍橫柵設計，更突出本身個性。

尾泵把下輔有整流設計，看來別具跑味。

鴨尾狀有加強下壓作用，提升行車穩定性。

富朝氣外形活力無限
自從新車系面世以來，車壇內外有唔少人均認為呢款新Legacy，除賣相標致富活力外，重予人一份獨特感，尤其係一對雙圓聚焦Xenon頭燈，匹配上簡潔有剛勁美嘅鬼面罩連氣霸設計，加上無柱式車身輪廓，以及跟車頭有相呼應感嘅車尾勾劃，皆給人有不俗印象。

高聚焦大燈裝置，予人炯炯有神之感。

門邊鏡附有方向指揮燈，既明確又富安全性。

四輪16吋合金胎軨組合，別具霸氣感。

座艙陳設講究配搭齊
外形出眾之餘，座艙鋪排亦以人體工學作依歸，予人和諧及上乘感，雙色調高級絲絨椅，既貼服又見承托力，而前後獨立頭枕連中央手枕設計，乘坐愜意舒適又寧靜，加上原廠冷氣及高級CD音響，還有不可或缺嘅前後獨立房燈，同埋六個安全氣袋及充氣簾幕配搭，跟一眾同級對手可謂不遑多讓。

座艙鋪排富人體工學特色，每個按鍵有隨手可及嘅方便。

尾排乘客有隱蔽式杯座及煙灰匣，隨手可及。

予人立體感嘅表板組合，簡潔易看。

底盤穩妥走彎了得
由於新車為2.0公升自然吸氣偈，加上恒式四驅裝置，明顯起跑稍欠一份爆炸力，惟中段過後引擎的可變式吸氣系統，匹配等長排氣喉組合，動力予人源源不絕嘅感覺，而緊湊4前速半自動波操作，亦見順滑利落，走彎重見咬地又見循迹性強，這有賴全新底盤及懸掛結構，還有ABS連EBD裝置嘅靈敏反應㗎！

前後兩排座椅剪裁貼身，又有充裕承托感。

以銀白面板鑲嵌嘅中控台，既富時代感又易用。

4前速半自動波，別具有手波車嘅好玩一面。

記者評語：性能出眾循迹性強
過往，本地測試到嘅Legacy，均屬高性能Turbo版本，惟今趟有幸響車廠ProvingGround上，一嘗配用自然吸氣偈嘅2.0公升Legacy新版，發覺新車新偈匹配全新半自動波，起跑加速表現不俗，尤其係路窄彎急嘅路段上，輔有恒式四驅嘅操控感，演繹更突出又可靠；據知，遲吓正式抵港會係配用2.5公升偈（馬力約165匹）嘅四門Legacy，或許富士AWD系統，會給車迷有一番新認識呢！

新款富士Legacy車系，無論造型、車廂設備，以至係性能表現，皆予人耳目一新之感。

富士Legacy2.0i規格
引擎：1994cc水平對向四汽缸SOHC
馬力：138ps/5600rpm
扭力：19#.1kgm/4400rpm
傳動：4前速Sportshift半自動波，恒式四驅
懸掛：（前）麥花臣支柱（後）多連桿
制動：（前）透氣碟（後）透氣碟（ABS）
輪胎：205/55R16BridgestonePotenzaRE030
尺碼：4665×1730×1425mm
軸距：2670mm；車重：1365kg
極速：191km/h
平均耗油：8.7L/100km
新車售價：約港幣23萬起
查詢：意美汽車（23968380）

新款Legacy輔有恒式AWD系統，有出色操控演繹。