有參與過7.1大遊行，想回味當時難忘情景？錯過咗7.1呢個歷史時刻，想睇番當時嘅一啲人、一啲事，感受吓五十萬人用血汗同腳印組成嘅民主之路？
發起遊行嘅民間人權陣線最新出版嘅《七月．人民．力量》，賣一百蚊，一書兩冊，一本係詳盡嘅反23條立法大事紀，一本輯錄向市民公開徵集嘅7.1遊行、7.9及7.13集會嘅私人相片，另外重有大律師梁家傑、前港大學生會會長張韻琪等人撰寫嘅感受。
民陣中人話，幾個月收到市民寄來幾千張相，揀相都揀到頭痛。八方揭過下，好多相都從未曝光，捕捉到遊行隊伍不少趣怪鏡頭。如果你參與元旦大遊行，就可以喺維園出入口嘅攤位買到，或者聯絡民陣秘書處都得。
傳真︰2623-9278
電郵︰