王菲前晚在紅館舉行尾場演唱會，當她得知栢芝公開表示欣賞其音樂時，只木然地說句多謝，問到霆鋒為何不來捧場，阿菲表示不知道之餘，更叫記者問他本人。
王菲前晚在紅館結束一連八場的演唱會，她一如之前七場一樣，因為穿着太高的高踭鞋，在演唱時差點跌倒。阿菲前晚穿着VivienneWestwood的超短裙，以黑色褲打底，露出半個屁股，衣着極大膽。完騷前阿菲說：「終於到最後一場最後一首歌呀。」觀眾即大叫encore，阿菲謂：「做咗八場，多謝所有嚟睇演唱會嘅朋友，亦希望我有帶畀你哋美好嘅體驗，我冇encore。」
本來事先張揚會往紅館捧場的張栢芝，結果甩底沒有出現。阿菲在慶功宴上被問到有沒有朋友答應她捧場又甩底，她說：「冇呀。」提到栢芝表示很欣賞她，阿菲表情木然地說：「哦，多謝。」至於栢芝甩底一事，阿菲則表示不知道。
阿菲得悉栢芝看好她與霆鋒沒有分手，她說：「咁點呀？你想叫我講啲乜嘢呀？」問到是否真的與霆鋒分手，阿菲說：「唔好問我呢啲嘢，我唔會答呢啲嘢。」問到為何霆鋒不來捧場，阿菲謂：「我點知佢點解唔嚟，問佢囉。」
謝霆鋒昨日由上海返港，他在機場接受訪問，提到栢芝不信他與阿菲分手，霆鋒甜笑謂：「吓，我唔知喎，係咩？」問他是否真的分手，霆鋒謂：「好少問得咁直接，我唔答。」
此外，阿菲配合今次個唱推出寫真集，因為香港以外地方還未推出，故被歌迷放在網上炒賣約港幣一千元，比原價貴了五倍，阿菲經理人陳家瑛昨日表示：「其實本寫真𠵱家喺美加已經有得買，新加坡、台灣同內地亦陸續發行中，冇需要買貴嘢。」
採訪：李珮洳 攝影：仇志德
