麗新集團主席林百欣（林伯）前日九十歲大壽，佢一班子媳孫兒包括建名、養子建康、前媳婦謝玲玲、建康妻子黃寧艷、孫女林恬兒前晚齊集廣州一間酒家為佢賀壽，但係林建岳、林明珠就冇到。問林伯生日願望？佢話：「我習慣咗日日工作，都係望日日做嘢冇停啦。」
前晚嘅壽宴由林建名主力籌備，佢話籌備咗近一個月，適逢廣州近日發現疑似沙士個案，問佢有否加強戒備？佢話：「我哋準備晒消毒工具，一踏入酒家張地氈都已經消毒過嘅。」生日禮物方面，佢話：「我送咗個心畀佢，前日重斟咗茶畀佢飲。」前晚壽宴氣氛熱鬧，林伯太太余寶珠更唱歌畀林伯聽，但當記者要求佢哋一家人大合照時，余寶珠卻發脾氣話：「黐線，無端端搵啲咁嘅嘢搞，唔好影呀。」
（圖）林伯有妻子余寶珠（中）、阿仔建名（左），同大群子媳孫兒為佢慶祝大壽，眉開眼笑。
傳真︰2623-9278
電郵︰