身為波鞋發燒友的余文樂，家中收藏的波鞋種類自然特別多，而且每一對都由他親手打理，心甘情願為波鞋做奴隸。樂仔表示若出席公開活動時，他多會選擇穿Vans、ABathingApe和adidas品牌的鞋。
娛樂圈中不乏衣物收藏家，而且眾人喜好各異，例如方力申愛鴨舌帽，麥浚龍鍾情冷帽，朱茵喜歡買絲襪，而余文樂則最愛波鞋。樂仔表示他曾一擲四千多元，只為買一對心愛的波鞋。
樂仔透露家中至今收藏了二十多對波鞋，其中大部份是adidas的籃球鞋，至於他最珍而重之的，則是NewBalance的580型號波鞋。訪問當天，樂仔親力親為，逐對波鞋從鞋盒中取出並擺好位置讓記者拍照，他說：「係我先會記得邊個盒跟邊對鞋，影完自己記得邊對鞋入番落邊個盒嘛！」
樂仔又表示眾多珍藏品中，有一些鞋是只供觀賞，不會拿來穿着的，他說：「讀書時好鍾意打籃球，見到啲型嘅鞋都會買，不過有啲實在太鍾意，所以都唔捨得着。」至於出席公開場合時，樂仔多會選擇穿adidasclassic的「三間」波鞋及日本名牌ABathingApe的鞋示人，他說：「呢啲都係以前買落，我覺得好易襯衫，所以成日都見我着呢啲牌子嘅鞋。」
其實樂仔對收藏波鞋也着實有研究，他說：「我嘅波鞋入面好多都係白色，所以我着時會好小心，而且亦都會親自洗鞋。其實洗鞋都唔係好難，唔好聽啲人話洗衣機可以洗鞋，講真我試過但都唔覺得好乾淨，反而要用水溝開藍威寶，然後用布抹，咁就好得多，而且keep得耐啲，冇咁易污糟。」
採訪、攝影：王連連
