重有幾日就踏入2004年，大使喺度回顧一吓基金嘅工作。
蘋果基金喺2003年做咗一連串前所未有嘅緊急撥款行動，三月尾「沙士」肆虐本港期間，唔少貧窮家庭、體弱長者冇錢買口罩同埋消毒藥水等抗炎物品，我哋即刻撥款一百萬元透過社會服務機構派贈抗炎包予長者及低收入家庭。
基金另成立「援助非典型肺炎受難者」及「抗炎助人短期援助計劃」專戶，分別資助「沙士」死者嘅遺孤，及受「沙士」影響而急需經濟援助嘅家庭，總共撥咗二百幾萬。
雖然大使們嗰陣做到唔停手，但回頭睇，基金養兵千日，用在「抗沙士」一疫，意義重大，幾辛苦都要做，但我哋當然唔希望沙士會再嚟。
另一件基金大事係第七屆蘋果助學金計劃，今年破咗三個紀錄，首先係申請人數高達一千八百幾人，其次係基金撥款超過一百六十多萬元，批出三百五十三個清貧學生。
快將04年，蘋果基金將繼續致力幫助弱勢社群解困。
暖流熱線
電話：29908688
傳真：23702192
電郵：
網址：