三歲的馮柏程因早產而導致語言發展遲緩，較正常兒童遲些才懂得開聲說話，幸而及早檢查，令馮太一早知悉問題，為柏程安排在公立醫院治療。
治療師透過遊戲方式訓練柏程的溝通能力，令柏程的語言能力有所提高。不過，為期十堂的訓練治療剛完結，下次治療排期至二○○六年才開始，令馮太憂心不已，「兩年嘅差別可以好大，好擔心會浪費咗之前做嘅事，𠵱家真係好無助，淨係等等等！」
馮太現時四出尋求援助，盼在社區覓得語言訓練服務，改善柏程及其患有認知問題的姊姊的溝通能力，無奈收費並不便宜。
「六百幾蚊一堂，一個月要上六至八堂，我兩個仔女都有事，我根本afford（負擔）唔到」，她期望政府可提供更多類似服務。
至於五歲的蘇政維則比較幸運，一歲起被診斷患有聽力問題的他，一直利用助聽器輔助聆聽，但聽力未有大改善，故兩年前接受人工耳蝸手術。蘇太對手術效果非常滿意，「之前叫佢冇反應，『媽咪』都未識講，手術之後就識得講『媽咪』；見我冇乜表情時，重成日講『Iloveyou（我愛你）』㖭！」
本報記者