過來人心聲
曾為情自殺跳樓，導致終身殘廢的少女陳慧心，昨日出席香港電台一項活動時說：「唔好為感情而做儍事，呢個唔鍾意你，重有第二個會鍾意你，你重有大把機會！」
現年二十五歲的陳慧心昨日表示，升中時因終日沉迷戀愛和吃喝玩樂，無心求學，與家人關係鬧得很僵。十七歲時，更因一次與男友吵架，憤然由男友在三樓的住所跳落街。她憶述說：「當時只係諗住嚇吓男友，根本冇諗過想死，當我跳落地下時，我重清醒，身體感覺麻痹，我重嘗試自己起身，但唔成功。」
她萬料不到這一跳改變了一生，脊椎折斷下半身終身殘廢。她慨歎：「當我嘗試坐喺張椅，我竟然完全冇力去做，嗰剎那真係接受唔到，大喊咗一場。」
但她當時並無後悔，直至半年後，其男友提出分手，她才醒覺和後悔，住院兩年及經歷十六次手術後，體重由一百一十磅跌至六十七磅的她坦言，「經一事長一智，雖然我要付出沉重嘅教訓，但我卻變得思想成熟同學乖咗，同屋企人關係亦變得和睦相愛。」
她更勸勉所有人，尤其女士，「唔好為感情而做儍事，呢個唔鍾意你，重有第二個會鍾意你，你重有大把機會！就算遇到困難，應尋求他人協助，打開心窗，切勿鑽牛角尖做儍事。」現就讀職業訓練局商科課程、明年畢業的她已找到一份電腦資料輸入員工作，並覓得一段良緣，但她斷言不會再被愛情沖昏頭腦，更不會再為愛情而做愚蠢的事。
記者：謝明明