曾鈺成噚晚出席一個酒會，被記者追住問佢「大細眼」嘅問題。同場嘅特首、梁愛詩及何志平都唔肯答記者嘢，剩返曾前主席一個人有膽識面對記者。
原來曾鈺成嘅眼科醫生林順潮接受訪問，講到佢同曾前主席幾年前做嘅眼部手術，有人話令曾鈺成從此變成「大細眼」，林醫生話非戰之罪，有時手術後眼皮會加速鬆弛，導致大細眼。曾鈺成似乎亦不介意，話自己上周先由林醫生做右眼白內障手術，重話做得幾好。
曾鈺成可以咁大方，但另一邊嘅鄔維庸就顯得氣難平，雖然口口聲聲話冇得再被委任入授勳評審委員會，唔會怪任何人，但佢又話自己係「香港政治病態生態測試劑」，指有人口說包容，卻趕盡殺絕，平機會事件正係一個啟示咁話。
（圖）曾鈺成俾一大班記者圍住，重好從容咁話自己啱啱做咗白內障手術。
傳真︰2623-9278
電郵︰