新一哥李明逵一上場，警隊即建奇功，一彈不發生擒頭號通緝犯季炳雄及其同黨。飛虎隊咁猛料，戴住個頭笠衝嚟衝去都冇傷一人，又的確要讚，不過，有電視觀眾睇見佢哋為捉賊，破門入屋就感到不安，怕警察叔叔掛住拉人，唔記得幫人整番好道門，何況班街坊又猛話唔緊要、唔追究，捉賊要緊。
八方於是問問警方點處理道門，佢哋位發言人吳兄第一時間叫八方少擔心，一定有得賠，而且係預咗嘅。呢個世界並冇警察大晒呢回事，所以一早預備筆錢用嚟賠償市民嘅損失，各位街坊唔使擔心，亦唔使客氣。
傳真︰2623-9278
電郵︰