齊做花炮迎新年
重有幾日就告別2003！頭先一班小朋友就已經為自己準備咗一份特別嘅新年禮物喇，唔知你又準備咗啲乜嘢嚟過年呢？不如就學吓做個應節的裝飾紙花炮！
記者：朱古力果仁
攝影：光頭神探
材料：彩虹膠、紅花紙、各式絲帶、顏料
製作
1.首先是將彩虹膠捲成捲筒狀，用超能膠黐上。但由於彩虹膠相當厚身，小朋友不妨先用手㩒住駁口位一陣。
2.然後用紅色花紙包着裝飾，必要時亦可包多一層透明花紙，使花炮做出來效果更具層次感。
3.跟着於頭尾部份縛上絲帶。
4.最後於花炮外殼塗上七彩顏色。除可用一般水彩顏料外，不如試吓一啲有閃粉嘅指甲油作顏料，效果都唔錯㗎。