曾是無綫節目《娛樂新聞眼》主持的古巨基，日前擔任《娛樂大搜查》客席主持，訪問老友倪震。
原來基仔與倪震的友誼是建立在桌球枱上，拍攝當日，基仔即提議兩人先打一場枱波來熱身，結果第一回合，倪震就險勝基仔。
在訪問期間，基仔還把握機會問倪震和他女友周慧敏（Vivian）的感情生活，更問他們何時結婚。倪震回答說：「屋企人係想抱孫，明示暗示都試過，但係我同Vivian都有共識，而且我哋已經超越咗呢個層次，因為要責任，亦唔想辛苦。如果有日真係會結婚，你就要做花仔啦！」
基仔做完訪問後說：「其實我同倪震係密友，成日見，好多時我哋會一齊打波，Vivian都會喺度。我同Vivian嘅技術差唔多，我哋試過連續打咗十個鐘頭。」
採訪：王連連 攝影：陳烱威
