港台昨日在舊啟德機場停機坪舉行「公益萬人盆菜宴」，創造了萬人一起食盆菜的世界紀錄，還邀請了歌手鄭中基、黃凱芹、2R、張敬軒即席獻唱。
鄭中基日前聖誕節在家中搞派對，更要求賓客攜帶100元禮物玩抽獎，他說：「我就好唔好彩，抽到方力申份禮物，原來係三隻鹹碟，其中一隻個名叫做《買胸拍淫》！」
黃凱芹表示本月已出席了超過三個有關盆菜的活動，他說：「我有個親戚係新界原居民，好多年前，佢請過我去食盆菜，嗰時山長水遠，真係好大工程。」
而2R除了任表演嘉賓外，Race還扮演水上新娘，Race說：「如果真係結婚，就唔會搞咁多嘢，可能老公唔鍾意咁高調，重有我哋又唔係公主。」原來2R曾經去過廟街算命，Race說：「相士話我二十八歲會結婚，而家姐就三十歲結婚。」
