兩位十六歲嘅少年元旦日喺尖沙嘴同警員發生衝突，噚日提堂被控擾亂秩序同襲警，鄭家富諗起自己都有個步入青春期嘅大女，噚日忍唔住喺大班節目《風波裡的茶杯》度呻咗兩句，重話自己「失戀」。
佢話𠵱家做父母真係辛苦，子女大咗就有代溝。而大班就好唔客氣，話搞事嗰兩個後生仔不知天高地厚，最好政府將大球場轉做羅馬鬥獸場，由班問題少年喺入面互相掟到夠，最後要佢哋執番啲垃圾。
阿富就比較感性，講番自己十三歲嘅大女，最近同佢嘅關係唔似以前咁「攬攬錫錫」，覺得自己好似突然間「失戀」咁。八方之後問番阿富，佢又突然好驚，擔心報道咗出街，會俾個女怪責。如果係咁，一早就唔好喺電台度自爆啦，𠵱家先嚟扭扭擰擰，患得患失，似乎有青春期問題嘅唔係富女，而係阿富自己喎。
傳真︰2623-9278
電郵︰