我羅拉自從係咁介紹新寫真以嚟，成日俾班friend追問新寫真邊本最有睇頭。
最近據我羅拉所知，仲根霞嗰本《ALAMER》寫真集幾好賣，聽講都斷過貨幾次。不過我羅拉並唔係拎番啲見過嘅相出嚟介紹，今次介紹畀大家嘅係本寫真背後有趣嘅花絮，分分鐘正過本寫真㗎！
正如霞妹所講，拍一本寫真唔係容易，首要條件係要有新鮮嘅場景，所以佢同隊crew老遠咁走去澳洲隔籬嘅小島新喀里多尼亞拍攝。嗰度氣溫十幾度，霞妹又要趴喺沙灘、又要俾人噴到成身水，製造誘人嘅濕身效果，但鏡頭後就見到埋霞妹打晒冷震。
到夜晚休息嗰陣，霞妹就打邊爐保暖，又揀定聽日拍嘢時要着嘅衫，認真親力親為。
被問到今次最搞笑嘅回憶嗰陣，霞妹尷尬話有個土人睇中佢，猛拉住想錫埋嚟喎！