德國奧迪車廠早已為旗下嘅TT車系，推出配用一台3.2公升V6偈，以及Quattro恒式四驅系統嘅頂級型號，表現絕能令人留有深刻印象；為滿足不同車迷口味，廠方最近更宣布為其加配一套6前速CloseRatio手動波箱㖭！
無論係TT硬頂版又或者係TTRoadster，改配6前速CloseRatio手波嘅頂級3.2Quattro型號，不但馬力及扭力輸出分別為250匹及32.7kgm外，0至100公里加速度更只需6.5秒，而極速更高達250km/h，就連耗油量亦僅為10.6L/100km咋！
至於外觀及車廂布局方面，呢部全新配用6前速手波嘅版本，則與現有配用DSG波箱嘅版本相近，並沒有作出多大改動；未知身處香港嘅車迷，有無機會與之見面呢？