【記者林社炳報道】入境處有一位「三冠王」的禮貌王子，若你出入境時遇到他，你會被他可親的笑臉，一聲親切的「早晨，你好！」所感染。這位三度贏得入境處全港八個口岸最有禮貌人員選舉總冠軍，綽號「耆英」的高級入境事務助理員康祺英，更獲旅遊發展局嘉許為「香港禮貌大使」。
「你們那位關員，很有禮貌。微微笑給我打招呼，說『你好』。我第一次到香港旅遊，第一個印象便很不錯。」從山東太原經落馬洲口岸抵港的葉小姐，讚不絕口的便是康祺英。難怪他在上月底短短一個星期的禮貌運動選舉中，在全港八個入境處管制站，四千四百多名投票的旅客中，獲得最高票數贏得今年度總冠軍。
八八年加入入境處的康祺英，先後於九九年和○一年贏過兩次總冠軍。綽號「耆英」，但現年才三十六歲的康祺英說：「咁多年派駐過入境處海陸空所有管制站，無論來自邊度嘅旅客，朝早都同佢哋講聲早晨，下午就叫聲你好。唔係好多人排隊嗰陣，就會同佢哋傾幾句。問佢喺邊度嚟，會留喺香港幾耐。」
把守香港「第一關」十五年來，康祺英同樣經常碰上惡言相向的市民，「最有禮貌係日本人，會雙手遞過護照畀你。但多人排隊輪候趕住過關嗰陣，離遠就聽到有人請你食海鮮，又炒蝦，又拆蟹。」
康祺英笑言，「機場客最斯文。喺澳門賭輸錢返嚟嘅客，同喺羅湖朝早趕住過關嘅客最惡死。有啲輪到佢嚟驗證櫃枱，重拍枱拍櫈，橫蠻無理。見到咁嘅旅客，唔係話怕咗佢，最好唔好同佢講咁多，個證件冇問題，搞掂畀佢過關。如果有問題，我亦唔會用隻眼睥住佢，㩒掣叫上司嚟處理。」