有本周刊講陳方安生組黨，睇落幾好笑。不過，自民建聯喺區選仆到直之後，香港政治勢力的確有個空檔。民主黨受人才及識見所限，好難得到中產支持。自由黨就唔使旨意有基層認同。民建聯？更加喊都無謂。三黨各有各殘障，有人乘時而起好正常。八方聽啲老友講，陳太私下都猛講呢樣嘢，重好自信咁話靠市民捐款都夠玩。
八方數一數，呢個四萬黨，除咗陳太自己，有前廉政專員任太，前庫務司兼前港交所總裁鄺神童，前運輸局長吳榮奎，失意於電盈嘅張永霖，曾掌地政規劃嘅蕭公子，再加埋仍在政府居高職嘅手袋黨舊黨員，例如俞小姐，以及一大班陳太馬房嘅AO，有前朝BlueBlood本錢，英文叻，人強馬叠，隨時可以起錨。
至於有冇外國勢力在背後支持，八方覺得太陰謀。女人做一件事，有時原因好簡單，問下冬冬姨就知啦。
（圖）陳太如果真係組黨，相信好多現任同以前嘅高官都會投效。
傳真︰2623-9278
電郵︰