二人組合Shine身為青春偶像，衣着方面當然以潮流款式為主，而他們雖是組合，但卻沒有刻意穿同一款式的衣服示人。徐天佑比較喜歡古着，不愛受牌子的束縛；而黃又南則喜愛簡約打扮，牌子則偏愛A.P.C或agnesb.。
組合Shine的成員徐天佑一直愛以古着打扮示人，日前他便以一身古着look出席公開場合，最特別是他腳上的一對限量版Puma黑襯金波鞋，因金色鞋正是今年的流行打扮之一。而又南身穿的間條T恤，正好與天佑的格仔衫相映成趣。
問到Shine會否一起往shopping時，天佑說：「我哋會一齊去睇衫，但唔會買，因為通常都係公司幫我哋買，又或者有贊助。其實我哋唔會刻意要着同一款衫，要睇場合，有時做騷可能先會咁做，因為我哋嘅style都唔同。」
再問二人可會交換衣服穿時，又南則說：「唔會，因為我哋size唔同，我啲衫比較細，但如果可以都幾好，又環保又可以慳唔少。」
雖說風格不同，但二人相處這麼久，一定有相同的喜好，天佑說：「有時我哋都會鍾意同一樣嘢，好似一啲得意嘅鐘、表、玩具同波鞋，因為波鞋來來去去都係嗰幾款，相同都唔出奇嘅。」而當日Shine二人亦不約而同戴上同款TagHeuerFormula1的手表示人，默契不言而喻。
