【本報訊】和暖聖誕日，港將黃金寶未能在自己長大的沙田瀝源舉行的「第八屆環南中國海單車大賽」首站攞頭彩，但贏得季軍兼藍色戰衣。
昨日首次在沙田市中心展開的「環南中」比賽，「阿寶」一改保守作風，試圖在七十二公里賽中段突圍，並一度拉離主車群；可惜「阿寶」太心急想贏，終點前二百五十米即衝刺，最後在一百米被俄羅斯的格斯堅追過。「阿寶」說：「有少少失望，好想在街坊面前攞冠軍，但急咗啲、衝早咗。不過，見到班年輕隊友比我想像中賽得好，好欣慰。」昨日首站冠、亞軍分別由俄羅斯的格斯堅，及澳洲奧運金牌艾特坎奪得。
昨日的沙田站比賽，雖然部份路面濕滑、凹凸不平、彎位亦稍兼過窄，更曾出現「炒車」，但只屬輕微意外；其中來自澳洲三十九歲的布魯斯，在臨近比賽末段不慎撞向「雪糕筒」倒地受傷，須送院治療，但最後證實只是肌肉拉傷並無大礙。
今日比賽，車手先在金紫荊廣場參加升旗禮後出發，賽事途經西隧至青衣，亦屬香港單車界首次。
