怕阿仔過寂寞聖誕
四哥吹氣公仔贈霆鋒

前晚平安夜，謝賢（四哥）偕同女兒婷婷及前妻狄波拉夫婦，往Dragon-i狂歡倒數迎聖誕。四哥表示獲女兒贈香吻，更笑言會送一個吹氣公仔給霆鋒。

前晚平安夜，大批名人往中環熱門蒲點Dragon-i倒數聖誕節，包括四哥謝賢一家幾口、關之琳與男友黃家諾、名模AnaR.及陳加玲等人。

「拉姑唔使啦」
四哥與女兒婷婷、前妻狄波拉夫婦結伴狂歡，問四哥今個聖誕節收到甚麼禮物？他笑說：「婷婷送咗個kiss畀我，霆鋒就乜都冇。」問他打算送甚麼禮物給霆鋒？四哥說：「送個女人畀佢囉！」記者問是否送公仔而已？四哥哈哈笑說：「係呀，吹氣嗰啲呀，不過拉姑就唔使啦，佢有老公嘛。」
陳加玲則穿上白色透視裝赴會，問她這晚為何不與俊男Y先生一起？她說：「我有大把朋友呀！」問她是否與Y先生沒有發展機會？她說：「要識多一年半載先決定畀唔畀佢做我男友，要深入了解、睇耐啲先睇到佢嘅性格㗎！」記者笑言現今的男士欠缺耐性，很難給予一年半載時間她觀察，陳加玲即說：「走咗去重好，唔使煩！」

楊其龍越洋箍煲
而楊其龍則表示聖誕及新年願望，是希望與女友Ambra箍煲成功，他說：「我越洋送咗束花畀佢，佢都有打番電話畀我，咁已經係唔錯嘅反應啦！」
採訪：JessicaNgan攝影：EdwardChou