聖誕節普世歡騰，不過都重有唔少人生活於痛苦之中，好似八九天安門事件死難者家屬咁，噚日支聯會特別舉辦活動，將一批聖誕卡以特快專遞嘅方式，寄畀天安門母親同埋仍身陷牢獄嘅異見人士。
另一班日子唔好過嘅人，就係民建聯嘅領導層，睇怕佢哋都要過創黨十一年嚟最唔開心嘅聖誕節，最大鑊嘅係自區選失利後，立場一直喺挺政府同反政府之間搖擺不定，進退失據。
一個青年問政團體「7.1人民批」真係充滿同情心，噚晚平安夜，十幾位成員上到去民建聯位於北角嘅總部，向民建聯傳主福音。
人民批成員劉小姐話，佢哋認為喺香港，要同其他地方一樣達到真正嘅普世歡騰，就要盡快實行普選，所以呼籲民建聯參與一個星期之後嘅元旦大遊行，用行動證明，佢哋真係聽到香港人嘅民主訴求。
傳真︰2623-9278
電郵︰