民建聯新界東大佬劉江華區選落敗，民主黨成員黎麗霞以個人名義自己畀錢整咗多幅橫額贈興，主角劉江華唔知係面皮厚係有大將之風，對橫額視若無睹，民主黨中人反應就比較大，覺得黎麗霞刻薄咗少少，據說黎麗霞近日俾黨高層照肺，之後就遞表申請退黨。
黎麗霞為乜咁激呢？佢唔承認又唔否認咁話「不欲多言」，「有乜嘢問題你問（黨主席）楊森同（副主席）李永達啦！」
八方追問楊森有冇需要為咗劉江華踢人出黨，佢只肯證實黎麗霞已經退黨，其他則唔可以透露；而黎麗霞老闆、民主黨立會議員涂謹申認為只係小事，皆因佢位助理「一向獨來獨往，退黨都冇乜所謂。」劉江華就陰陰笑好彩，民主黨有呢班咁多道德包袱嘅書生，乜仇都報晒！
傳真︰2623-9278
電郵︰