港股半日市，交投不冷清，易手股份總值82億元。近期上市之新股仍係焦點。藍籌乏善足陳，恒指波幅得61點，最後升36點收場，收報12456。放完長假後，新股稍為降溫，國企或要回氣，到時應該輪到藍籌起動，恒指可望打破橫行局面。
倉內隻富豪（078）表現不俗，高收16.5仙，急升7%，而且半日成交1.36億股，是前天全日成交的4倍，動力十足。趙飛雲見走勢對辦，喺16.1仙買多1球。
富豪除了受惠於自由行外，旗下赤柱豪宅富豪海灣銷情理想，亦為股價提供上升動力。富豪海灣最近已把臨海D型洋房全線封盤，留待明年加價再推，而第2期之單位則轉售為租，發展商「皇帝女唔憂嫁」之心態表露無遺。
睇番張圖，富豪經昨日一升，20日線已微破50日線，形成第2個黃金交叉。周線圖的小圓底已輕微突破，量度升幅可見20仙。不過，短線在17.5-18.5仙區域會有阻力，在該水平可能要稍作整固才再起步。
自由行對酒店股雖有助益，但始終不及零售業得益咁大。佳節當前，內地遊客如潮湧至，加上廣東省明年將全面開放自由行，難怪零售股備受追捧，昨日莎莎（178）、卓悅（653）同恒豐金（870），都有2-3%升幅。
恒豐金較早前公布中期業績，雖受沙士影響，半年純利增長仍達28%，下半年業績相信更佳，現價1.7元可以追入。
趙飛雲