陳慧琳（Kelly）昨日到會展出席「亞洲遊戲展」。對於有歌迷在港台頒獎禮後替Kelly不值，指她在獎項數目不應落後於梁詠琪，Kelly說：「總之少說話、多做事啦！」
陳慧琳昨日以一身《這個殺手不太冷》的造型出席「亞洲遊戲展」，她表示：「我呢一身嘅打扮好未來feel，而個假髮係髮型師參照《這個殺手不太冷》個女仔嘅造型。」她更與GT之父山內一典鬥玩賽車遊戲。Kelly透露完成工作後會與家人過平安夜，她更決定將大會送給她的遊戲機轉贈給男友。
對於有周刊指Kelly在港台頒獎禮上只得女歌手銅獎而傷心落淚，其經理人鍾珍更炮轟正東高層，Kelly對此說：「我梗係冇喊啦，儍嘅咩！總之少說話、多做事、唱好歌係最重要，我當時都只係諗自己有乜嘢做得唔夠好。鍾珍事後同我返咗屋企開會，大家一齊研究吓有乜做錯，自我檢討，咁明年就做好啲補番數。」頒獎禮後有不少Kelly的歌迷於網上留言以及傳真到報館為偶像抱不平，指她不應落後於得女歌手銀獎及另外兩獎的梁詠琪（GiGi），Kelly說：「總之都係少說話、多做事啦，我哋之間係良性競爭。」
此外，組合Cookies覺得出席頒獎禮有鼓勵作用，成員Theresa說：「我哋出席時都冇諗過一定有獎攞，如果今年冇就叫自己下一年要努力啲，而且都可以戥其他歌手開心。」
採訪：李珮洳
攝影：陳偉權
