「謙記」賣的招牌海鮮，雖不是鬚眉、龍躉、老鼠斑等貴價魚，但每晚仍然高朋滿座，全因他們以手釣海魚作主打，天然游水的鱲魚、火點、細鱗、雜斑，每晚都供不應求。
謙記的兩位老闆都是釣魚發燒友，他們將釣獲變為火鍋材料，開業三個多月已成功吸引一班固定熟客。負責人Andy說：「初初經營時，我哋一好天就出海釣魚，不過釣魚呢樣嘢好講彩數，收穫好唔穩定。尤其用嚟做火鍋嘅，條魚最細都要一斤以上，好多客人夜啲嚟都冇魚供應。後來我哋開始同一班釣艇漁民收魚，貨源穩定咗好多。」
堅持賣手釣海魚的Andy說：「海魚同養魚分別好大，海魚無論色澤、肉質、口感、營養價值及鮮味程度都遠勝養魚，一食就知冇得呃人。至於用網同用魚絲捉海魚亦有分別，魚網對魚傷害性較大，所以捉返嚟嘅魚養唔耐，反而手釣返嚟容易養啲。」
謙記所賣的海魚，一般以香港沿岸海域常見的鱲魚、火點、細鱗、雜斑為主。為開拓貨源，他們更打算向一些遠洋釣艇漁民收魚，希望能夠引入東星班、章紅等香港水域以外的海魚提供給顧客。