Smartroadster及roadster-coupe自推出以來，一直成為各地車迷嘅追捧對象，然而，著名改裝商Brabus有見及此，響最近就決定為佢哋推出Brabus強化特別版，並會於明年舉行嘅日內瓦車展上隆重登場㖭！
從外形而言，經由Brabus強化改裝嘅Smartroadster及roadster-coupe，與現有型號相近，但細心留意下，不難察覺車子改換上四輪17吋跑車合金胎軨，連205/40R17（前）及225/35R17（後）嘅高性能輪胎組合，望落去更見跑味十足；車廂布局亦有些許改動，如用上承托力更高嘅跑車座椅等等，以切合不同用家嘅口味。
全車最吸引嘅地方，會係一台698cc直3Turbo引擎，經過Brabus嘅精心調校後，馬力輸出激增至101ps/5250rpm，扭力輸出亦增至13.3kgm/2500-4500rpm，匹配一套6前速Sequential半自動波箱，性能表現可謂毋庸置疑；除此之外，四輪跑車懸掛加上高性能輪胎組合，行車循迹性及操控表現，明顯要較前增強不少。未知身處香港嘅車迷，何時能與之見面呢？