梁朝偉、楊千嬅、張震及董潔主演的《地下鐵》上周六開畫，直至前日三天票房約收了三百五十萬，而同期上映中的《無間道III終極無間》截至前日，上映了十一天約收二千二百萬，至於《魔戒三部曲：王者再臨》上映五日，截至前日收約一千萬。
雖然《地下鐵》票房相比其餘兩部戲還有距離，但偉仔說：「我覺得《地下鐵》成績好好啦！特別係嘉玲睇呢部戲時笑得咁開心，有場戲佢笑足五分鐘，佢又讚我做得好，不知令我幾開心。」
偉仔續道：「做得劇情片多，我啲朋友話原來我做喜劇有唔錯效果，佢哋提議我做多啲喜劇。今年聖誕因為要喺上海做電影宣傳，嘉玲飛嚟陪我過聖誕，所以聽晚會喺上海開party。」