近日盛傳梅艷芳因抗癌治療出現後遺症及副作用，入住養和醫院。昨午約十二時，阿梅的好友岑建勳現身養和，不過他自稱是往探望前妻劉天蘭的兄長。
問岑建勳知否阿梅的病況時，他說：「乜嘢阿梅情況點呀！係天蘭個阿哥入咗去，你哋又知阿梅喺度？」
而記者昨日致電阿梅經理人Marianne求證時，她亦否認阿梅入院一事。Marianne說：「佢冇嘢，喺屋企，佢𠵱家好好。」提到岑建勳曾往醫院探病，Marianne即說：「有藝人探病唔好入晒梅姐數，大家錫阿梅就要祝福佢，唔好再有咁多新聞，阿梅𠵱家食得又瞓得。」
此外，阿梅的愛徒何韻詩昨在港台出席活動時，對於有報道指阿梅以化名入院，她笑說：「做戲咩？化乜嘢名呀？Snoopy定HelloKitty呀？可能化名碧咸喎，化名你哋又點會知？咁好笑嘅，你哋唔好信呀。阿梅一路喺屋企休養，佢OK，但需要休息，我哋喺聖誕節都會探佢。」梁漢文昨在商台則說：「我所知阿梅喺屋企休息喎，佢個病可大可小，畀啲空間佢休息。」
採訪、攝影：胡比、娛樂突發組