聖誕前嘅大作都出得七七八八，今個星期SQUAREENIX推出嘅壓軸大作《FrontMission4》就去得唔錯，市價由$310升到上$350都有唔少捧場客。而懷舊遊戲《高橋名人冒險島》再造版賣$180左右，亦有唔少捧場客，童年回憶$200唔使買得番，都算值得。不過其他超過$400賣價嘅Game，好似PS2《高智能方程式》同《模擬電車之東京急行》，就真係賣得極差，最離譜隻《三國志9》，定價成$850真係唔慌有人買。至於上星期至Hit嘅《BIOHAZARD：OUTBREAK》就再有大貨返，市場約$380-400左右，官方授權中文攻略亦已登場，定價$40。
月頭BANDAI分別係GC同GBASP上推出嘅紅色馬沙特別版主機，可惜價錢頗貴，好多想儲機嘅玩家都冇入市，而月頭喺日本同《GT4:Prologue》同步推出嘅雪白PS2RacingPack，香港亦喺前幾日推出咗行貨版本，白色型仔主機連中文版《GT4:Prologue》都係賣$1,480，比起水貨足足平成$300。同色唔同命，另一部PSX就因為主DVD錄影功能喺香港無用武之地，所以死於自然，市價約$6,800，不過相信都係有價冇市居多。