章小蕙日前以露出臀部的SMlook為楊凡新片《桃色》試造型，她表示穿上ＳＭ服飾面對攝影師並不難受，還大讚ＳＭ皮革服裝是最佳瘦身工具，皆因一脫下已渾身濕透。章小蕙又表示子女已看過這輯照片，兒子BonBon還明白這是媽媽工作所需。
章小蕙早前豁出去為楊凡新片《桃色》試了不同的大膽造型，被楊凡形容為史上最昂貴的試鏡，這批拍了十多小時的造型片段，會濃縮成短片，製作如此認真，原來是想吸引投資者垂青。
其中章小蕙穿上露臀SM皮衣的造型，大膽得叫人嘩然，問她當時穿上這套衣服時的心情是怎樣？她昨日在電話中說：「我着咗呢套衫出嚟，全場人靜晒，一粒聲都冇，導演就叫我做一個喺痛苦邊緣尋找快樂嘅表情。喺大班人面前着成咁，我冇難受嘅感覺，係以一個模特兒演繹時裝嘅心情，最大嘅感受反而係除呢套衫時成身濕晒，呢套衫簡直係最佳嘅瘦身工具。」
問章小蕙其子女有沒有看過她這輯照片？她說：「睇咗啦，可惜唔係我親自畀佢哋睇。」問她言下之意是否阿B鍾鎮濤給一對子女看？她則說：「唔想講。」隨後表示現已長大成「大熊人」般的兒子BonBon十分通情達理，她說：「BonBon睇咗之後即刻話：『Oh,thisiswork（這是工作）』。而個女就好似唔係好明係乜嘢嚟。」
章小蕙表示照片刊登後迴響極大，反應亦很極端，她說：「點都係好事，因為呢個係我踏入影圈嘅第一步，淨係出咗輯相啫，《桃色》都未正式拍，已經有人再邀請我拍戲啦，不過𠵱家求緊導演刪減戲內一啲過激嘅尺度。」
