香港女士的衣着一向緊貼日本潮流，林嘉欣亦不輸蝕，在日本大量入貨以備冬日之用，日前她穿上TsumoriChisato限量版黃色高跟鞋，配襯牛仔褲，加添幾分女人味。
日本衣飾潮流往往深受香港女士愛戴，尤其今個冬日更是不可缺少。一般而言，今季日本興以多件衣服作配襯，令視覺上看起來更有層次感，顏色方面則以鮮豔為主。愛穿牛仔褲的casual一族，若想給人成熟一點的感覺，可穿上日本時興的婆仔鞋或高跟鞋，加添女人味。
而林嘉欣早前在銅鑼灣出席宣傳活動時，就以一身日本婆仔look現身，以白色樽領衫打底，再配襯有少許喱士的紫色棉質外衣。嘉欣表示特別喜歡日本衣服，她說：「我大部份衣服都喺日本買，着衫最緊要顯出優點同遮到缺點，好似我呢件長身衫就做到呢個效果，可以遮到我下身嘅贅肉，又可以達到視覺嘅層次感。」
嘉欣一向喜歡較鮮豔奪目的顏色，選擇鞋子亦一樣，會以鮮色為主，她說：「我比較鍾意sharp嘅顏色，好似我呢對黃色日本限量Tsumori Chisato高跟鞋咁，顏色鮮啲會易襯衫，撞番深色嘅衣服亦可以令到對鞋好顯眼。」
採訪、攝影：卓寶花
