如果唔係中聯辦副主任李剛話，佢哋位前秘書長蔡小洪做咗西方國家間諜，通番賣國嘅案件只係冰山一角，八方都唔信香港真係好似已經出走美國嘅許家屯形容，係「間諜天堂」。
中聯辦嘅人員立場唔堅定，即係話思想工作做得唔夠，洗腦呢科嘢中共最醒，佢哋一定知道點樣收拾殘局。其實中聯辦及一眾駐港機關人員大可向解放軍學習，解放軍八九年嘅形象夠差啦，但係駐港部隊不單止嚴守紀律，重成日開放軍營，與民同樂，融入香港社會，好少聽到有人叛變。
噚日八方間報館更收到駐港部隊對外新聞發言人馮巍上校嘅來函，既預祝全港新聞界朋友聖誕新年快樂，又多謝新聞界過去六年嚟嘅關注同支持，報道客觀，增進香港軍民間之間嘅了解信任。馮上校行文得體，又唔到你唔讚佢統戰了得。
傳真︰2623-9278
電郵︰