聖誕節畀人嘅感覺係紅色同綠色，但白色聖誕都係唔少人憧憬嘅，最近新紮靚女夏川純拍咗輯性感相應節，佢套白色穿窿比堅尼，襯埋身旁嘅白色聖誕樹，好似雪花一樣。講起聖誕，阿純話幼稚園嗰陣佢阿爺送聖誕禮物畀佢，同佢講聖誕老人唔會嚟，令佢好奇怪，阿純話第時做人阿媽或阿嫲，一定會話有聖誕老人喎！