為慶祝廖暉個阿嫲何香凝誕生一百二十五周年，大會堂噚日得國家批准，將五十多幅何香凝作品由深圳美術館運抵香港，舉行為期五日嘅《何香凝藝術精品展》，請到特首、中聯辦同外交部駐港特派員公署等猛人剪綵。
後生一輩或者唔知出生於香港嘅何香凝對中國近代政治有幾威水，佢同丈夫廖仲愷早年留學日本，亦係革命志士，喺日本學畫時加入孫中山成立嘅同盟會，中共建國後做過全國政協副主席、人大常委會副委員長，以及中國美術家協會主席，佢個仔廖承志係第一任港澳辦主任，一手策劃香港回歸，出身咁BlueBlood，孫仔廖暉做正港澳辦主任，就梗係好似王穎妤使富翁錢咁合理。
除咗特區猛人剪綵，唔少名人都有出席開幕禮，好似霍英東個仔霍震寰，佢話佢老竇唔係好識藝術，佢就有時會畫吓公仔。
傳真︰2623-9278
電郵︰
