五十一歲任職保安員的林漢威，日前騎單車與輕鐵相撞，頭部嚴重受創，現留院接受治療，妻子阿香終日陪伴左右，除了擔憂其夫病況之外，一家五口亦面臨經濟困境，無力支付欠租及日常生活開支，蘋果基金即時撥款，解其困境。
「𠵱家去探阿威，佢都唔認得我同仔女，醫生話佢個頭撞得好緊要，頭骨裂咗，入面重有好多瘀血，所以出現失憶現象，將來會唔會好番，就靠佢自己，佢成日淨係喺度瞓；見到佢咁樣真係好傷心、難過，擔心佢好唔番，第日都唔知點算……」自丈夫遭遇車禍後，四十七歲的阿香每天疲於往返醫院照顧他，容顏憔悴的她傷心地說。
她說，意外當日其夫正在休假，遂騎乘單車出外，詎料，在屯門青山公路與五柳路交界橫過馬路時與輕鐵相撞後，被捲入車底拖行十多米，重傷昏迷，送院即時急救，現階段雖然脫離危險期，但仍需留院接受治療。
阿香與林漢威結婚二十多年，育有三名十九至二十二歲的孩子，長女與次女現分別就讀大學三年級及一年級，稚子今年中五畢業後剛覓得一份保安員工作，月入微薄。
阿威早年任職工廠雜工，九六年，因工廠北移內地失業，靠僅餘的積蓄維生。數年前轉行從事保安員工作，月入約九千多元，生活拮据。
近年，身體虛弱的阿香經醫生證實患了良性子宮瘤，需定期往返醫院覆診及服藥，以控制病情，早前，她因血壓低經常頭暈不適，她擔憂說：「早排我成日暈倒，醫生叫過我入院觀察，但係老公返工，啲細路又返學，若果我入咗院，屋企冇人睇住始終唔係好放心，呢排我都盡量控制自己情緒，點都要撐住頭家。」
「仔女每日淨係搭車返學、食飯，都要幾十蚊，平時我哋幾仔乸已經好慳，但老公出糧嘅錢個個月都清光，根本儲唔到錢，唔夠開支嗰陣咪惟有問朋友借錢幫補吓。」
有見阿香的生活苦況，蘋果日報慈善基金即時撥款六千元，助她支付欠租及生活費開支，減輕其經濟壓力。
捐款編號：C1226
暖流熱線
電話：29908688
傳真：23702192
電郵：
網址：