一場沙士，打到香港七零八落，𠵱家雖然回番氣，但好多後遺症亦陸續浮現，有排搞。其中一樣就係保險問題。醫院、診所、以至安老院，佢哋嘅員工都比較易接觸病菌，所以份勞工保險就冇人受。冇保險，點開工呢？
有人叫政府承保，或者包底。但此例一開，後果可大可小。有政府中人語八方，話萬萬不可，佢哋只能捉住班保險佬，曉以大義，唔掂講到掂。聽佢口氣，診所、安老院都應該冇大問題。
雖然冇人肯承保，但保費會大升噃；佢就話升幅冇錯係幾大，但呢類勞保，一年幾百蚊，加咗之後銀碼亦可負擔；事實保險公司風險亦高咗，大家一人讓一步喎。
傳真︰2623-9278
電郵︰