喜歡Off-road嘅車迷遍布世界各地，而越野車專家英國嘅LandRover（越野路華）車廠，更於世界各地廣設有LandRover嘅Off-roadExperienceCentre，讓喜歡野外駕駛嘅車迷，能夠響專業導師嘅指導下，一嘗Off-road滋味之餘，重得到正統操作越野車嘅技巧呢！而早前筆者有幸獲代理邀請，跟一眾LandRover發燒友，前赴新西蘭南島LandRoverExperienceCentre；原來駕駛越野車Off-road，真係刺激又好玩㗎！
記者、攝影：李勤
鳴謝：越野路華香港（27132383）
想有人車合一嘅感覺，不妨一試呢個平衡木，首先將車慢駛上樑上，能夠找到中心點停下便勝出，否則只能從另一邊落地駛走㗎！
一部僅配用On-road輪胎嘅四驅車，要駛過一般泥漿路，可謂殊不容易，既要掌握油門控制，又要以左右兩邊不同轉向控舵，否則直駛只會深陷泥地。
一條有近70度斜角嘅山路，響導師指導下，原來需要駕駛者以低檔踏盡油門一衝而上，否則跣滑嘅山道面，會把車子倒推而下㗎！
肥肥外籍導師走埋嚟唔係同你講笑，只不過問你部車置於咁嘅斜度下，有否擔心翻車之餘，一不留神佢重用力拉動車身，想唔到一部擁有優良懸掛及底盤設計嘅四驅車，真係有咁高能耐㗎！
臨近懸崖邊，外籍導師才用一臉講不得笑嘅面孔跟你說，需要從懸崖邊將車滑下；當時筆者不得不問自己有否信心之餘，重有點擔心呢部高個子嘅Discovery能否順利駛下。而整個過程除需要入低檔外，重要按下HDC模式，匹配原車限滑差速裝置，原來係咁安全㗎！
