九巴慶祝七十周年，得到唔少公司支持，出錢喺報章刊登賀稿，不過九巴諗到新招，就係將呢啲賀稿嘅廣告費收集後捐出，既然九巴董事長陳祖澤身為公益金執委會副主席，梗係肥水不流別人田，直頭捐畀公益金，噚日就舉行咗個捐支票儀式。
登賀稿當然要畀廣告費，但成本價就由九巴出，來賀機構嘅賀稿錢則會全部捐出，總數都有二百萬元，噚日接收支票嘅公益金籌募委員會主席柯清輝就話，唔好睇少呢二百萬，因為可以資助一百四十一間社會福利機構提供服務，受惠人士超過八十萬人，聽落又幾有「菠蘿包」效應。九巴喺公益金都捐咗唔少錢，○一至○二年度已獲頒公益優異獎，今次諗到將賀稿廣告錢捐出，其他公司都可以諗吓啲捐錢新招式。
傳真︰2623-9278
電郵︰